Heqja e vizave nga Izraeli, Hoti: Mundësi për qytetarët dhe bizneset t’i shkëmbejnë përvojat e tyre

21:18 | 29 Janar 2024
E.G

Deputeti i Lidhjes Demorkatike të Kosovës (LDK), Avdullah Hoti ka reaguar pas heqjes së vizave nga Izraeli për qytetarët e Kosovës.

Me anë të një postim i në Facebook, Hoti u shpreh i lumtur për njohjen nga Izraeli gjatë kohës sa ishte ai kryeministër, shkruan Arbresh.info.

“Jam i lumtur që sa isha Kryeministër e pranuam njohjen nga Izraeli dhe tash si Kryetar i Grupit të Miqësisë Kosovë-Izrael ta marrë lajmin se së shpejti lëvizim pa viza në Izrael. Si Grup i Miqësisë kemi punuar shumë që të thellojmë bashkëpunimin ekonomik dhe diplomatik me Izraelin. Ndër kërkesat e para në vizitën që kishim në Izrael si Grup i Miqësisë kërkuam heqjen e vizave për qytetarët tanë.”, ka shkruar Hoti.

Ndër të tjera, ai ka thënë se kjo është një mundësi për qytetarët dhe bizneset që t’i shkëmbejnë përvojat e tyre.

“Zoti e bekoftë Republikën e Kosovës dhe miqtë e saj!”, përfundoi ai./Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm